По Ердоган и хрватскиот претседател најавува вето! Зоран Милановиќ: Останувам на ставот дека треба да се блокира влезот на Финска и Шведска во НАТО

78

Претседателот на Хрватска Зоран Милановиќ денеска изјави дека останува на ставот дека влезот на Финска и Шведска во НАТО треба да биде блокиран додека не се смени изборниот закон на БиХ за Хрватите да изберат свои претставници.

Тој на прес-конференција во Загреб рече дека како ко-креатор на надворешната политика ќе и наложи на хрватската амбасадорка во НАТО Марија Нобило да гласа против приемот на Шведска и Финска во алијансата. Милановиќ рече и дека ќе испрати писмо до генералниот секретар на НАТО во кое ќе им објасни на сите членки зошто е важно Хрватска да го промени изборниот закон во БиХ.

 

Тој рече дека „ќе зборува до последен момент и ќе предупреди дека е последниот во хрватскиот Сабор кој може и не мора да крева раце за да го ратификува тој пристап“.

„Тоа не би бил чин против Финска и Шведска, туку за Хрватска. Во тој случај, во исто време би се родил неверојатен интерес за Хрватска и нејзиниот проблем“, изјави хрватскиот претседател.

Тој оцени дека во случај Собранието да го ратификува пристапот, тоа ќе значи дека Хрватска „го донираше единственото семејно сребро, единствениот инструмент и лост на влијание што го има во моментов за да се реши сериозен проблем што се случува, не на реките Днепар, туку на Уна“.

Милановиќ потсети дека Турција е против влезот на Шведска и Финска во НАТО, што покажа, како што рече, како се однесуваат и ги користат сите расположливи, правни инструменти земјите кои се грижат за своите интереси и за своите надворешнополитички цели.