Кустурица: Крајната цел на Западот е да ги избрише Русите и Србите од Земјата

Специјалната операција на Русија во Украина е принудна мерка преземена за да се спротивстави на планираната агресија на западните земји, изјави за „Известија“ прославениот режисер Емир Кустурица.

„Тоа е војна меѓу рускојазичното население на Донбас и Крим, кое не сакаше да остане во Украина, која е непријателски настроена кон нив. И Русија во февруари одлучи да ја запре трагедијата што Киев ја продолжува веќе осум години“.

Кустурица истакна дека операцијата не е украинска туку американска одлука:

„Киев само им се потчини на Американците и го акумулираше најголемиот дел од своите вооружени сили во Донбас“, нагласи тој.

Тој ги посочи пропагандните напори насочени кон дискредитација на руската страна и оцрнување на се што е руско.

„Интересно е што кога ја бомбардираа Србија, нашите жртви ги нарекуваа колатерална штета, а зборуваат за украински цивили – „кутри цивили“, „сиромашни деца“, истакна Кустурица.