СЕ ЗАКАНУВА ОПШТА ВОЈНА! Дали НАТО ќе донесе нуклеарно оружје на границата со Русија? Медведев зборуваше ИТНО
Најавата на НАТО дека повеќе не е обврзана со договорот со Руската Федерација значи дека „можно е да се донесе нуклеарно оружје на територијата на новите членки“ на Алијансата и да се одржуваат обуки во близина на границите на Русија, иако повлекувањето од Основачкиот акт се уште не е официјално објавено.Претседателот на Советот за безбедност на Русија Дмитриј Медведев.
Коментирајќи го ставот на претставниците на НАТО за прашањето на Основачкиот акт Русија-НАТО од 27 мај 1997 година, тој на својот канал Телеграм рече дека ова не е вистински меѓународен договор, туку политички документ.
– Денеска претставниците на НАТО соопштија дека сметаат дека договорот повеќе не ги обврзува. Тие изјавија дека околностите се сменети и дека ништо не ги обврзува. Последиците од овој чекор се едноставни: можно е да се донесе нуклеарно оружје на територијата на новите земји-членки (на пример, Шведска и Финска), да се одржи провокативна воена обука во близина на нашите граници, како и да се извршат секакви злосторства. Тоа го правеа и порано, но барем имаше таа политичка декларација, на која се повикавме, кога бевме незадоволни од нивната грубост – напиша Медведев.
Рускиот функционер објаснува дека во таа позиција Алијансата се повикува на добро познат принцип во меѓународното право – клаузулата rebus sic stantibus , според која договорот е обврзувачки за страните само додека не се променат околностите под кои е склучен.
Медведев додаде дека НАТО во исто време соопшти дека „договорот сè уште не е убиен“.
Како што изјави за британскиот весник „Фајненшл тајмс“ претставникот на Воениот комитет на НАТО, адмирал Роб Бауер, Основачкиот акт на Русија – НАТО од 1997 година нема да ја одврати Алијансата од дејствување. Тој посочи дека овој чин се уште постои, но дека неговата содржина нема да спречи ништо што НАТО мора да направи. Истовремено, Бауер заклучи и дека засега генералниот став е дека на политичко ниво договорот се уште не е убиен.
Да потсетиме, на 27 мај 1997 година во Париз беше потпишан Основачкиот акт за меѓусебни односи, соработка и безбедност меѓу Руската Федерација и Северноатлантскиот договор, со кој беше прогласено дека Русија и НАТО повеќе не се гледаат меѓусебно како противници. Според документот, Алијансата се обврзала постојано да не распоредува значителни борбени сили на територијата на новите земји што ги регрутира.