ПУТИН: Ги знаеме имињата на агентите на ЦИА кои ги советуваат украинските неонацисти да прават злосторства

Рускиот претседател Владимир Путин изјави дека ги знае имињата на агентите на ЦИА кои ги советувале украинските неонацисти да прават злосторства.

„Борците од украинските ултранационалистички баталјони, интегрирани во Националната гарда, се вклучени во жестоки злосторства против заробени руски војници, украински цивили, па дури и членови на украинската армија“, додаде тој.

„Треба да се забележи дека ги знаеме имињата на агентите на западните служби, првенствено, се разбира, од американската Централна разузнавачка агенција, кои соработуваат со украинските безбедносни агенции“, рече Путин на брифингот со руските обвинители во понеделникот.

„На наше изненадување, високи дипломати во Европа и САД ги повикуваат своите украински сателити да ги искористат сите можности за победа на бојното поле, тоа е толку чудна дипломатија меѓу нашите партнери во САД и Европа. Друга задача доаѓа до израз, а тоа е да се подели руското општество, да се уништи Русија одвнатре. Но, стапицата и тука не функционира“, истакна рускиот претседател.

Тој додаде дека руското општество покажува зрелост, солидарност, поддршка за вооружените сили, напори за безусловно обезбедување на безбедноста на самата Русија и поддршка за граѓаните кои живеат во Донбас.