Москва воведе санкции за Камала Харис и Марк Цукерберг

16

Москва воведе санкции за американскиот потпретседател Камали Харис, основачот на Фејсбук Марк Цукерберг и уште 27 американски граѓани како одговор на американските санкции кон Русија, соопшти руското Министерство за надворешни работи.

 

Министерството стави 29 Американци на „стоп листата“, меѓу кои бизнисмени, врвни менаџери, претставници на политичките елити, како и новинари кои „формираат русофобна агенда“.

Покрај потпретседателот на САД, на листата на санкции се и извршниот директор на Банката на Америка, Брајан Мојнихан и челниците на воено индустриските компании.
На овие лица им е забранет влез во Руската Федерација на неодредено време.
Причината за ограничувањата е постојаното проширување на антируските санкции, под кои администрацијата на Бајден става сè поголем број руски граѓани – функционери и нивните семејства, како и претставници на деловни кругови, научници и претставници на културата.

Москва наскоро ќе објави ново пополнување на руската „стоп листа“ како контрамерка на непријателските чекори на американските власти, соопшти руското Министерство.
Воедно не е прецизирано кога точно ќе биде објавен додатокот на „црната листа“.

Санкции за канадски граѓани

Министерството објави и дека Москва воведува санкции за 61 канадски државјанин и планира да го прошири списокот.

Како одговор на постојаното воведување антируски санкции од страна на официјална Отава, вклучително и забрана за влез во Канада и други дискриминаторски мерки против руските службеници, војници, експерти и новинари, друга група канадски граѓани е ставена на „стоп листа“. на трајна основа.изјава.

Можеби ќе ти се допаѓа
My Blog