Историски пресврт: Христијаните стануваат малцинство во Германија

Во Германија, Римокатоличката и Евангелистичката црква губат сè поголемо влијание. Така христијаните станаа малцинство во Германија, пренесуваат медиумите.

Кога ќе се соберат членовите на католичката и евангелистичката верска заедница, кои се двете најголеми христијански цркви во таа земја, се гледа дека нивниот број паднал под 50 отсто.

„Ова е историска пресвртница. „По многу векови, за прв пат во Германија, веќе не е „нормално“ да се биде член на црковна заедница“, објасни социологот Карстен Фрерк.

Тој посочи дека веќе подолго време е забележлив трендот на намалување на бројот на припадниците на христијанските верски заедници.

Во текот на изминатите шест години, овој тренд се забрза.

Минатата година христијаните, односно припадниците на Католичката и Евангелистичката црква сочинувале 51 отсто од населението, а за споредба, уште во 1990 година уделот на припадниците на тие верски заедници бил 72 отсто.

Германците од католичка вероисповед, пред сè, сè повеќе ѝ вртат грб на својата црква, и се повлекуваат од таа верска заедница поради бројните скандали, пренесува Танјуг.

Се поголем е и бројот на Германци кои не сакаат да се изјаснат за својата вера, а во исто време бројот на муслимани постојано се зголемува, како преку работната имиграција, така и поради големиот мигрантски бран во последните години.