После ова Украина веќе нема да има излез на море! Путин: Русија ќе постигне воени цели во Донбас, луѓето ќе живеат нормално
Рускиот претседател Владимир Путин изјави дека Русија ќе ги постигне своите воени цели во регионот на Донбас во источна Украина, што, како што додаде, ќе им овозможи на луѓето да продолжат со нормалниот живот.
Говорејќи на состанокот во Кремљ чија цел беше да се промовира Русија како земја на можности, Путин рече дека Москва била принудена да започне „воена операција“ во Украина поради „трагедијата“ во Донбас.
„Го кажав тоа на самиот почеток – целта на оваа операција е да им се помогне на луѓето што живеат во Донбас“, рече Путин .
Обраќајќи ѝ се на девојката која се приклучи на состанокот од Севастопол на Крим, кој Русија го анектираше од Украина во 2014 година, тој рече дека ќе дејствува доследно и ќе се погрижи животот постепено да се нормализира, да се промени на подобро – „исто како што ти се случи во Севастопол“.