Нов Ултиматум на руската војска: „Предајте се до 12:00 часот или ќе ве пеплосаме“
Министерството за одбрана на Русија им се обрати на војниците на вооружените сили на Украина, поставувајќи ултиматум.
„Им се обраќаме на сите војници на вооружените сили на Украина и на странските платеници – со циничен однос на властите во Киев, сите ве чека незавидна судбина. „Не ја испитувајте својата судбина, туку донесете ја единствената правилна одлука да прекинете со огнот и да се предадете сега, секаде каде што вашите „покровители“ ве принудувале да се борите за идејата за нацизам“, соопшти руското Министерство.
Понатаму во соопштението се наведува дека Руската Федерација им гарантира на секој што ќе го положи оружјето и ќе се предаде на живот и ќе ги почитува сите норми од Женевската конвенција за постапување со воените заробеници, како што беше случајот со украинските војници кои претходно се предадоа во Мариупол.
„Руските вооружени сили им предложија на украинските милитанти и странските платеници кои се во „Азовстал“ во Мариупол да се предадат во 12 часот по московско време“, изјави началникот на рускиот центар за управување со одбраната, генерал полковник Михаил Мизинцев.
„Имајќи ја предвид катастрофалната состојба во металуршкиот комбинат „Азовстал“, како и од хуманитарни причини, руските вооружени сили уште еднаш им нудат на милитантите на националистичките баталјони и на странските платеници да ги прекинат сите непријателства и да го положат оружјето од 12 часот. – рече Мизинцев на брифингот.
„На оние кои ќе го положат оружјето ќе им се гарантира живот. Од 13:00 часот по московско време ќе биде воспоставена постојана комуникација меѓу руската и украинската страна со цел меѓусебна размена на информации. За половина час ќе биде прогласен режим на молк од двете страни. Откако ќе се потврди подготвеноста за воведување режим на молк, украинските сили и странските платеници треба да заминат без оружје и муниција. Овој процес ќе трае два часа, од 14:00 до 16:00 часот по московско време“, се наведува на крајот од пораката.