ОТКРИЕНА СТРАТЕГИЈАТА НА РУСИЈА? Кадиров објави мапа на напади на руската армија – „ќе го освоиме Киев и другите градови“ (ВИДЕО)

– Добив извештаи и карти во 2 часот по полноќ. Точките се означени, задачите се јасни. Веќе почнуваме да работиме конкретно, точка по точка – рече Кадиров во понеделникот во видеото објавено на неговиот канал на „Телеграм“.

„Њузвик“ објави дека тврдењата на Кадиров дека руските сили ќе започнат офанзива на Киев дојдоа веднаш откако Кремљ соопшти дека ќе ги повлече своите трупи и ќе ги намали воените операции во областа околу главниот град.

– Ќе има поофанзивна работа, не само во Мариупол туку и во други населени места, градови и села – рече Кадиров, кој е претседател на Чеченија од 2007 година.

– Луганск и Доњецк – пред се ќе ги ослободиме. Таа задача ја постави врховниот командант, претседателот Владимир Путин. И тогаш ќе го освоиме Киев и сите други градови – рече Кадиров.