СЕ ПОДГОТВУВА НЕШТО ОПАСНО – Вол Стрит Журнал: Кина ја забрза акумулацијата на нуклеарниот Арсенал

Кина ја забрза стапката на акумулација на нуклеарно оружје поради промената на оценката за заканата од САД и стравувањата дека Вашингтон ќе сака да ја отстрани актуелната кинеска влада, пишува Wall Street Journal, повикувајќи се на извори.

Според изданието, Пекинг „ја променил оценката за заканата од САД“. Пекинг би можел да одлучи да стави поголем акцент на нуклеарното одвраќање во врска со позицијата на САД за Украина, велат некои извори.

„Кинеските лидери гледаат на посилен нуклеарен арсенал како начин да ги спречат САД директно да се мешаат во потенцијалниот конфликт околу Тајван“, пишува весникот.

Извори блиски до кинеското раководство изјавија дека Пекинг стравува дека Вашингтон можеби ќе сака да ја отстрани кинеската влада.

Во исто време, Кина нема намера прво да користи нуклеарно оружје, големината на арсеналот нема да ги надмине количествата неопходни за „да се обезбедат кинеските безбедносни интереси“, велат изворите.

Покрај тоа, кинеската војска смета дека сегашниот нуклеарен арсенал е застарен, што го намалува неговиот потенцијал за одвраќање и може да доведе до зголемен притисок од Вашингтон.