БРИТАНСКИ ТАЈНИ СЛУЖБИ: Штом Русите  акумулираат над 90.000 војници, започнува битката над сите битки за Донбас

Британската тајна служба МИ6 го информирала воениот и државен врв на Украина дека Русите ќе ја започнат „битката за Донбас“ меѓу 12 и 19 април.

Таа прецизираше дека тоа ќе се случи штом Русите ќе концентрираат 90.000 војници западно од украинскиот „Донбас фронт“.

Предупредувањето го пренесе британскиот премиер Борис Џонсон, кој при кратката посета на Киев на Украинците им вети 120 тенкови и други оклопни возила.

Украинскиот Генералштаб објави дека Русија ги концентрира своите сили околу Харков и дека нападот на тој голем град може да започне истовремено со „битката на битките“.

Киевската пропаганда тврди дека украинската армија ќе влезе во неа со 90.000-100.000 војници и 10.000 единици тешко вооружување. Односно, со: 320 тенкови, 642 топови и хаубици, 640 повеќецевни ракетни фрлачи, 42 ловци, 45 напаѓачки авиони…

Според објективни проценки, Украинците имаат сè – половина или три четвртини помалку…

Како што стојат работите во моментов, Мариупол ќе биде целосно исчистен од остатоците на украинската војска и неонацистите од полкот „Азов“ до големата битка.

Тие се веќе протерани од пристаништето Мариупол и седат на територијата на металуршкиот комбинат „Азовстал“. Меѓутоа, таму нема цивили, па руската армија може да користи најголеми калибри и пламенофрлачи.

Сè уште постои голема интрига: точно колку западни офицери и разузнавачи има меѓу опколените?

Постојат претпоставки дека ги има најмалку десет и дека – покрај генералот на НАТО Роџер Клутјев – има и други „високи чинови и важни ѕверови“.

Индиректно на таков заклучок упатува обидот на Киев и неговите клиенти од Запад да го испратат украинскиот товарен брод „Апачи“ до опколените во Мариупол.

Неговиот капетан се обидел да го направи тоа, но по пукањето од митралез на бродот – запрел