Антонов најави закана од директна воена пресметка на Русија со САД

Амбасадорот Анатолиј Антонов рече дека провокациите на западните земји претставуваат закана за воениот конфликт на Русија со САД.

Рускиот амбасадор во Вашингтон , Анатолиј Антонов , изјави дека акциите на западните земји поради руската специјална операција во Украина се опасни и провокативни и може да доведат до директна воена конфронтација меѓу Русија и САД.

„Западните земји се директно вклучени во актуелните настани, бидејќи тие продолжуваат да ја снабдуваат Украина со оружје и муниција, со што предизвикуваат дополнително крвопролевање“, изјави Антонов за американското издание на „Њузвик“.

„Предупредуваме дека таквите акции се опасни и провокативни, бидејќи се насочени против нашата држава“, нагласи Антонов, додавајќи дека „тие можат да ги водат САД и Руската Федерација на патот на директна воена конфронтација“.

„Секое снабдување со оружје и воена опрема од Запад, кое се врши со транспортни конвои низ територијата на Украина, е легитимна воена цел за нашите вооружени сили“, рече рускиот амбасадор.