„ИСПРАЌАЊЕТО ОРУЖЈЕ ВО УКРАИНА Е НЕЛЕГАЛНО“ Лавров предупредува: Сите испораки на воена помош ќе бидат ЛЕГИТИМНИ ЦЕЛИ

Рускиот министер за надворешни работи Сергеј Лавров денеска предупреди дека сите испораки кои вклучуваат испраќање воена помош за Украина исто така стануваат легитимни цели на руската армија.

– Јасно ставивме до знаење дека сите оние испораки што пристигнуваат во Украина, за кои сметаме дека се оружје, ќе бидат легални цели за пукање – рече Лавров. 

Лавров, исто така, рече дека испораката на советски системи С-300 од други земји во Украина е нелегална и дека Москва ќе го спречи тоа . Имено, Словачка изрази подготвеност да испрати системи за противвоздушна одбрана С-300 во Украина веднаш штом добие замена воена опрема од САД или сојузниците од НАТО.

– Би сакал да ги потсетам сите земји кои воопшто размислуваат за таква идеја – советското и руското оружје се таму исклучиво во согласност со меѓувладините договори и договори кои имаат одредени сертификати за употреба. Токму овие сертификати забрануваат испраќање на ова оружје во трети земји . Можам само да додадам дека нема да дозволиме тоа да се случи – нагласи Лавров.

– Денеска Русија може само да смета на себе и на преостанатите сојузници, илузии кон Запад повеќе не постојат – изјави шефот на руската дипломатија. 

Лавров рече и дека, како што објави Ројтерс, Русија ќе ги преживее санкциите.