Германски печат: Тенка линија до светска војна – порача Путин

Руските ракетни напади во близина на полската граница покажуваат колку не дели од влезот на НАТО во конфликтот, пишува германскиот печат.

Од друга страна, развојот на бојното поле во Украина сугерира дека наскоро може да се постигне некаков договор.

Во неделата руската армија истрела повеќе од триесет проектили на воениот полигон Јаворив недалеку од Лавов – само дваесет километри од полската граница. Според украински извори, најмалку 35 лица загинале, а 134 се ранети. Според Москва, во нападот биле убиени „до 180 странски платеници“, пишува DW.

Порано полигонот се користел за воени вежби на украинската армија со членките на НАТО, а инструктори на НАТО и САД таму ги обучувале украинските војници.

„Доколку Москва, како што е најавено, цели на испорака на оружје од Запад, тогаш може да има нови напади во близина на источната граница на НАТО“, пишува „Франкфуртер алгемајне цајтунг“.