Морничавата порака на Русија до странските платеници кои планираат да војуваат во Украина

Руското Министерство за одбрана предупреди дека платениците кои доаѓаат да му помогнат на режимот во Киев не се борци и не ги исполнуваат условите за статус на воени заробеници.

Ова го изјави официјалниот претставник на руското Министерство за одбрана, генерал-мајор Игор Конашенков.

„Сакам официјално да нагласам дека сите платеници испратени од Западот да му помогнат на националистичкиот режим во Киев не се борци според меѓународното хуманитарно право. „Тие немаат право на статус на воени заробеници“, рече тој.

„Најдоброто нешто“ што ги чека странските платеници по нивното апсење е кривично гонење, додаде Конашенков.

„Ги повикуваме граѓаните на странските земји кои планираат да се борат за националистичкиот режим во Киев, добро да размислат пред патувањето“, заклучи претставникот на Министерството за одбрана.

Како што соопшти Министерството за одбрана на 3 март, западните земји го зголемија испраќањето платеници од приватни воени компании во борбени области во Украина.

Ова се случува на позадината на фактот дека руската армија ги опкружува и уништува главните групи украински националисти.

Според Конашенков, странските платеници саботираат и напаѓаат руски конвои со опрема.

Украинскиот претседател Володимир Зеленски го најави доаѓањето на првиот од 16.000 странски платеници во Украина.