Бајден предупреди: Руски напад се уште е можен

Американскиот претседател Џо Бајден во специјално телевизиско обраќање рече дека останува заканата од руски напад врз Украина, но дека дипломатското решение на кризата се уште е достижно, пренесе БНР.

Бајден додаде дека САД се уште не го потврдиле повлекувањето на руските војници од границата со Украина. Американскиот претседател додаде дека според аналитичарите, руските војници се уште се во целосна борбена готовност. Тој потсети дека во моментов Русија има повеќе од 150.000 борци кои ја опкружуваат Украина од Белорусија и на украинската граница. Затоа, според Бајден, останува можноста за руска инвазија на Украина.

Американскиот претседател истакна и дека Вашингтон не бара директна конфронтација со Москва, но нагласи дека „ако Русија ги направи Американците во Украина цел, одговорот ќе биде моќен“.

„НАТО не е закана за рускиот народ и нема планови да распореди ракети на украинска територија“, рече Бајден. Американскиот претседател повика на шанса за дипломатија, но го повтори предупредувањето за санкции без преседан доколку Русија избере војна.