„РУСИЈА ЌЕ СЕ ОБИДЕ ДА НАПРАВИ НЕШТО ПОСЕБНО ГРДО И ЗЛОКОЛО ОВАА НЕДЕЛА“, ги предупреди Зеленски Украинците пред националниот празник
Украинскиот претседател Володимир Зеленски ги предупреди Украинците да бидат особено внимателни следната недела, додека се подготвуваат да го прослават Денот на независноста.
Related Posts
Во видео обраќање доцна синоќа, Зеленски рече дека Украинците не смеат да дозволат Русија да „шири очај и страв “ меѓу нив, објави Гардијан.
Украина го слави Денот на независноста во среда, 24 август, а тој датум, исто така, одбележува цели шест месеци од почетокот на рускиот напад.
– Сите треба да бидеме свесни дека оваа недела Русија може да се обиде да направи нешто особено грдо, нешто особено зло – рече Зеленски.
Украинскиот претседател во својот говор ја спомена и серијата експлозии што го погодија Крим во последните денови.
– Годинава буквално може да го почувствувате Крим во воздух, дека окупацијата таму е само привремена и дека Украина се враќа – рече Зеленски.