КАВАДАРЕЧКО ЛЕЖИ НА БОГАТ МИНЕРАЛ, ШТО СЕ ЗНАЕ ЗА РУДНИКОТ МАЈДЕН

На планината Кожуф, крај селото Мајден, кавадаречко, мештаните од памтивек црпеле бел минерал со којшто ги переле алиштата и ги миеле садовите.

Со тој минерал во прав којшто уште го има во неограничени количини биле чистени и сите простории по куќите.

За рудникот во Мајден, од античко време, кружи тајна не помала од тајната на универзумот и го чува одговорот на силата на сонцето. Рудникот има осум влезови, од кои два минуваат низ ходниците што се протегаат до 6 километри и имаат патеки со кобалт –камен.

Во рудникот во Мајден за првпат е откриен талиумовиот минерал лорандит. Денешното име на рудникот Алшар е кратенка од првите букви на имињата на луѓето што управувале со него во првата половина на 20 век: Алатини, француско банкарско семејство и Шарто, рударскиот инженер.

Во 1986 година, тогашната југословенска власт го почнала проектот „Лорекс“, во кој биле вклучени десетина научни институции од Словенија, Хрватска и Македонија. По распадот на СФРЈ, сите активности околу рудникот се запрени.

Кој треба да се збогати? (с.с Енигмите во Македонија)