ВУЧИЌ: Сите ќе застанат пред Москва во ред за гас

Претседателот на Србија, Александар Вучиќ, денеска изјави дека сите што го забранија рускиот гас ќе застанат во ред пред Москва, бидејќи, како што рече, за неколку години САД ќе го прекинат извозот на течен нафтен гас.

„Затоа што ќе им треба поради зголемената потрошувачка, за потребите на вештачка енергија и електрични полначи. Тогаш ќе застанеме во ред, а сите што го забранија рускиот гас ќе застанат пред Москва, ќе застанат и ќе бараат да ни го вратат гасот. Мора да ги решиме проблемите што е можно поскоро“, им посочи Вучиќ на новинарите по обраќањето на Конференцијата на ОН за климатски промени.

Тој рече дека потрошувачката на струја се зголемува, поради што се градат гасни електрани.

„До пред неколку години не ни размислувавме за гасните централи во Србија, бидејќи тие ни се скапи. Поевтино ни беше да користиме јаглен, а сега решението се гасните централи “, рече Вучиќ.

Според него, во Србија струјата повеќе се троши во лето отколку во зима, така што нема разлика во потребата од струја.

Претседателот во Баку, каде што учествува на COP29, рече дека постојат два услови за борба против климатските промени, а тоа е да се стави крај на војната во Украина и да се најдат нови начини за финансирање, без да се доведуваат земјите во должничко ропство.

Тој изјави дека во сегашните геополитички околности не може да се зборува за овој проблем, бидејќи секој ги зголемува трошоците на различни начини – директно, индиректно, за одбранбените индустрии и за оружје.

„Светот се движи по работ на бездната, се закануваат еден на друг и ако само еден претера – тоа е крајот“, предупреди Вучиќ.

Тој додаде дека стравот и нервозата не можат да се сокријат, наведувајќи дека ваквото сценарио не може да не се одрази на нас.

Вучиќ оцени дека со победата на Доналд Трамп на американските избори се појави трошка надеж, но дека ќе биде тешко да се направи нешто околу тоа, бидејќи не е едноставно.

Зборувајќи за енергијата, нафтата и гасот, Вучиќ рече дека по победата на Трамп цената на нафтата на светскиот пазар паднала, но цената на гасот, како што рече, „замина во рајот“ – 485 долари за 1.000 кубни метри. додека за Србија е цена 325.

„Суштината на мојот говор е дека јавниот долг расте во светот и ќе биде околу 100 отсто, на ниво на ЕУ, повеќе од 90 отсто во однос на БДП. Во Србија 46,4 отсто и сме во многу подобра состојба од светот и Европа, но потребни се нови финансиски инструменти, без тоа да се одржува на јавниот долг, а ММФ и Светата банка мора да најдат нови модели на финансирање. Ако не го најдат, сите ќе бидеме во неволја“, рече претседателот.

За тоа, како што истакна, потребни се нови инвестиции и опрема.

Вучиќ, кој претходно денеска се сретна со претседателот на Белорусија Александар Лукашенко во Баку, изјави дека Мешовитиот комитет на Србија и Белорусија донел одлука за натамошно унапредување на економската соработка и политичките односи меѓу двете земји.